ကျွန်တော်နှင့် ကျောက်ခေတ်နှင်းဆီ

ကျွန်မမှာ ရှင့်ကို့ ကျွေးလို့မရတဲ့ ရေခဲမုန့်လေးတခုရှိတယ်
ရှင်မသိပါဘူး ကျွန်မ အဲ့ဒီ ငါးလေးတွေနဲ့ စကားပြောတတ်တယ်ဆိုတာ
စန္ဒရားခလုတ်တွေပေါ်မှာ တရွေ့ရွေ့ပြေးနေတဲ့ လက်ချောင်းလေး တွေ ရှင်တွေ့လား
ဘယ်မှာလဲ မှော်ဆန်တာ
ကျွန်မ တစ်နေကုန် ဒီအခန်းအသိုးကြီးထဲမှာ မနေနိုင်ဘူး
လှေကားပေါ်တက်ရမှာ ကျွန်မ သိပ်ကြောက်နေတယ်လို့ ထင်လား ထားပါ ကျွန်မ က လှေကားဆိုတာကို သိပ်ယုံတာမဟုတ်ဘူး

နှင်းတွေ နှင်းတွေ
ရှင်အရမ်းကြောက်နေသလား
မသင်္ကာမဖြစ်ပါနဲ့ ကျွန်မ ဓာတုဗေဓ ပစ္စည်းလုံးဝ မသုံးထားဘူး
သူတို့က အဖြူဆန်တယ်

ကျွန်မ တနေကုန် တနေခမ်း လူတွေကို မျှားတယ်
ဒါပဲလုပ်တတ်တာတော့ မဟုတ်ဘူး သူတို့က ပျင်းရိဖို့ကောင်းလို့
ဟော တွေ့လား သရဖီပင်ကြီး နဲ့ မျက်စောင်းတည့်တည့်က ရှဉ့်သေးသေးလေးတွေ
ညည ဆို သူ တို့ နဲ့ ကျွန်မ အပြေးပြိုင်လေ့ရှိတယ်
ရိုးစင်းခြင်းတော့ သိပ်မရှိဘူးပေါ့ ကျွန်မက လူ လေ
ထားပါ ရှင်နားမထောင်တတ်တဲ့ သီချင်း တပုဒ်ကို ကျွန်မ ဆိုပြမယ်
( ။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။ )
အသံမကြားရဘူး
ရှင်မညာပါနဲ့ ကျွန်မ ငယ်ငယ်ကတည်းက ကျွန်မအမြဲနားထောင်နေတဲ့ သီချင်း အသံရှိပါတယ်
ကျွန်မ ဘာတွေ လုပ်နေသလဲ
ရှင်မသိပါဘူး
ရှင်လုပ်ရမှာ ရှင် အက်စပရက်စ်ဆို တစ်ခွက်လောက် သောက်လိုက်
ပြီးတော့ ကျွန်မ အတွက် ရှင် ပန်းချီ ဆွဲပေးရမယ်
ဒီလို ဒီလို
ငါးတွေ အတောင်ပံဖြန့်ပျံသန်းနေမယ် အသံတွေပါ ပါမှ ရမယ်
မစိုးရိမ်နဲ့ ကျွန်မ နှုတ်ခမ်းနီမဆိုးတတ်ဘူး
ပြီးတော့ ရှင် ရဲ့ ဘယ်ဘက် လက်သန်းတစ်ချောင်းကိုပါ ထည့်ဆွဲပေး
ပေါင်မုန့်တစ်လုံး နဲ့ ( ၇ ) ထပ်တိုက် တစ်တိုက်ရောပေါ့
လူတွေ " က " တော့ ရေကူးနေပစေ
အချိန်တချို့ မရှိတော့ဘူး ကျွန်မ လှေကလေး အနောက်လိုက်ရဦးမယ်
ကျွန်မ ပုံ မပါအောင် ပန်းချီထဲ မှာထည့်ဆွဲပေးဦး
ရှင် သွားတော့မလား ကျွန်မ ပြန်ရမလား

ဒီအခန်းထဲက ကြွက်တချို့ကချစ်စရာကောင်းတယ်ဆိုတာ ရှင့်ကိုပြရမယ်
အဲ့ဒီကြွက်တွေဟာ အနုပညာဆန်တယ်

ရှင် ရယ်ချင်နေတယ်မဟုတ်လား ကျွန်မမှာ ကျွန်မကို ခဏခဏ ၀ှက် ထားချင်တဲ့ မှန်တချပ်လဲ ရှိသေးတယ်
သူကတော့ အိမ်အသိုးကြီးထဲ မှာနေရတာ ကြိုက်တယ်လေ ကျွန်မကတော့ မနေနိုင်ပါဘူး
အဲ့ဒီ လှေကားတွေကိုလဲ ကျွန်မ မကြိုက်ဘူး
ရှင် ကျွန်မ ရဲ့ စနေ တ၀က် တနင်္ဂနွေ တ၀က် နာရီ ကိုကြည့်ချင်နေမှာပေါ့
ကျွန်မ ရင်ဘတ်ပေါ်ကို မသိမသာ ရှင် ကြည့်လိုက် ရှင်းတမ်းတွေ နဲ့ ရှုပ်နေတဲ့ နာရီလေး
ဒါကိုတော့ ရှင် သဘောကျမှာပါ
ဘာလို့ဆို
ရှင်က ရေခဲမုန့်မကြိုက်ဘူးလေ .........................................
........... ။


ရုပ်သေး